大家好，我係Shan Ip，好開心有機會寫下專欄，同大家傾下計 ^^

      334新學制就快開始，好多同學及家長都覺得自己係白老鼠、好徬徨。政府政策的左搖右擺令大家無所適從。但其實同學唔洗驚，所謂亂世出英雄，其實大家係同一個亂世底下，競爭係公平口既。你亂、佢亂、個個都亂的時候，無所謂白唔白老鼠，最重要你係要做一個成功口既白老鼠。

      回想我以前細個口既時候，因為係大女口既關係，成為了家中口既開荒牛。有d咩「好」野都會搵左我去試。無論小學升中學、中四揀文科理科、以至大學揀科，在完全缺乏資料的情況下，就要以行先死先的手法去面對，當中的確行了好多冤枉路。還記得每次揀科，周邊口既老師都會非常官腔咁，好似陶傑咁講︰讀書應以興趣為先 (即係無講野一樣)，問佢地有咩出路，佢地剩係識講行行出狀元，所以唯有聽佢地講亂揀。

      自由發揮口既後果當然好大獲，次次揀完之後都會有人同你講：「哎呀~你咁揀咪蠢左lo，你應該咁咁咁…」我除左仰天長嘯：「你又唔早講~~」之外，唯有硬食。
但係到了而家諗番轉頭，每次冤枉路都能令我學到更多，令我明白只要盡力去行，冤枉路到最後都一定會變成直路。

      逆境口既路難行，但只要唔逃避繼續向前行，亦可以令我們變成了ameba變形蟲，擅長於不同口既環境下生存，越戰越強。同學既然生於大時代轉變中，要積極迎接挑戰而非埋怨。今天口既逆境將會成為明天美好成果口既種子，能否開花結果就睇今日你如何看待呢d種種挑戰。

      記得古代有一個高人曾講過︰吃虧是福。傳統智慧博大精深，人愈大，就對呢句說話感受愈深，同學亦可慢慢參透個中玄機，定必受用一世。